File a Report

Safecall bele uza tiha hodi hato’o preokupasaun sira en relasaun ho posibilidade sira maka hanesan:

• Má prátika, fraude, subornu ka korrupsaun;
• Asaun penál ka asaun sira seluk;
• Preokupasaun sira salvaguarda nian maka hanesan esplorasaun seksuál no abuzu ba labarik;
• Hahalok ne’ebé perigozu, ka posibilidade ba hamosu perigu nian, ba saúde no seguransa pesoál WaterAid nian, reprezentante sira ka komunidade sira iha-ne’ebé maka WaterAid serbisu ba;
• Hahalok ne’ebé estraga tiha, ka iha posibilidade atu estraga, ba ambiente; ka
• Subar informasaun en relasaun ho kualker buat hirak iha leten ne’e.

Labele uza tiha Safecall hodi relata buat hirak maka hanesan:

• Ameasa direita ka imediata ba moris ka sasán;
• Kualker keixa sira ka kestaun sira empregu individuál nian;
• Preokupasaun sira ne’ebé bele hato’o tiha internalmente uza kanál konfidensiál ne’ebé maka iha hanesan Ekipa Salvaguarda Globál nian (Global Safeguarding Team);
• Retroasaun konabá programa sira WaterAid nian; ka
• Akuzasaun sira ne’ebé maka ita hatene ne’e falsu. Halo nune’e bele lori ba iha medida disiplináriu nian.

Preokupasaun sira hotu ne’ebé relata tiha ba WaterAid sei atende tiha no foti medida ho sériu. Ema ruma ne’ebé aprezenta preokupasaun sira ne’e sei proteje tiha husi kualker forma vitimizasaun ka forma sira seluk tratamentu prejudisiál nian (anaunserké deskobre tiha katak aprezenta tiha preokupasaun sira ne’e ho intensaun aat).

Uza mekanizmu sira relata internál WaterAid nian:

Prosedimentu globál ba relata má prátika no violasaun sira ba iha Kódigu Konduta Gobál nian esplika ho klaru konabá oinsá maka atu kontaktu ba ekipa internál sira hodi aprezenta ita-nia preokupasaun sira. Prosedimentu ida-ne’e mós kontein matadalan relata insidente WaterAid nian.

Uza formuláriu online ida-ne’e: https://www.wateraid.org/uk/contact-us

Formuláriu ida-ne’e iha site globál WaterAid nian no haruka tiha internalmente atu nune’e revê tiha preokupasaun sira no atribui tiha ba iha fatin ne’ebé adekuadu liuhotu. Ita bele hakerek ho detallu ita-nia preokupasaun sira hotu iha formuláriu ida-ne’e nia laran. Ita bele hato’o pedidu atu ita-nia identidade sai konfidensiál nafatin se ida-ne’e maka ita hakarak. 

Relata ba servisu atendimentu independente esternal nian:

Se ita sente katak ita la bele relata ba kualker balun iha leten ne’e, ita bele halo relatóriu ida liuhosi ami-nia servisu atendimentu independente ‘speak up’ nian, kontaktu Safecall liu hosi telefone ho númeru  XXXXXXXXX

Liña telefone Safecall nian disponivel hela durante oras 24 iha loron ida, loron 7 iha semana ida. Ita sei ko’alia direitamente ho ida husi atendedór sira telefone Safecall nian. Se lian Inglês maka la’os ita-nia lian inan nian ita bele husu intérprete ida.

Liu hosi klike iha-ne’e [https://report.safecall.co.uk/en-US/file-a-report/] sei lori tiha ita ba iha fatin esternál ne’ebé pretense ba SafeCall – ami-nia fornesidór independente. Se ita husi Parseiru WaterAid nian karik, favor SERTIFIKA KATAK ITA SITA ‘WATERAID’ iha NARAN ORGANIZASAUN nia laran, atu nune’e ita-nia preokupasaun sira bele enkamiña tiha ho loloos.

Safecall sei kria relatóriu ida husi informasaun ne’ebé ita fó ba sira. Ita aseita ho sira, saida maka bele partilla tiha ho WaterAid. Se ita hakarak atu ita-nia identidade sai konfidensiál nafatin, ita bele deside se ita hakarak atu totalmente anônimu nafatin ka semi-anônimu. Semi-anônimu permite Safecall halo koresponde entre ita no WaterAid sein fó-sai tiha ita-nia identidade.

Safecall sei fornese relatóriu ida husi ita-nia preokupasaun sira ba WaterAid ho ita-nia permisaun. WaterAid sei revê informasaun ne’e no konsidera asaun saida maka presiza tiha. Se ita hakarak atu hatene rezultadu husi ita-nia relatóriu, ita sei presiza atu fornese ita-nia kontaktu detalla sira. Safecall la bele fornese ba ita ho kualker informasaun konabá WaterAid nia investigasaun ka rezultadu nian.